WARMIKUNAPA PUNCHAWNINPI TC MAGISTRADAKUNATA YUYARIN HINALLATAQ DERECHONKU AMACHAYPI HATARIQ WARMIKUNATA

Sapa 08 punchaw marzo killam tiqsimuyuntinpi yuyarina Warmikunapa punchawninta, 1977 watapi Naciones Unidas kamachisqanman hina, warmi masinkunapa derechon amachaqkunata yuyarinapaq.

Tribunal Constitucional kay punchawta yupaychaspa yuyaymananachikpaq minkariwachkanchik Perú warmikunapa derechon amachaysinapaq.

Hatun yachay wasiman yaykunankupaq, Perú llaqtata amachanankupaq, votanankupaq, umalliq hina akllachikunankupaq hinaspapas gobierno ukupi umalliq hina kanankupaq; leykuna qispichiysinapaqwan wañuchisqa warmikunata amachanapaq, usuchisqakunata, acoso nisqawan ñakariqkunatawan yanapanapaq.

Mana musyayllapaqmi, hatun ñantaña purirunku,  purinaraq kachkaptinpas achka ruwaykunatañam ayparunchik, chayllaraq warmi magistradaman qispiq hina: Delia Revoredo Marsano, paymi Tribunalman yaykururqa 1996 watapi, 1997 watapiñataqmi dictadura lluqsirachirqa, ichaqa 2000 watapi kutiykurqa Corte Interamericana de Derechos Humanos wasipa yanapakuyninwan.

Chaymanta pacham 20 wataña karun huk warmi magistrada Tribunal Constitucional wasipa umalliqnin hina juramentananpaq: Dra. Marianella Ledesma Narvaez.

WICHQAY: Warmikunapa hinallataq warmi warmakunapa derechon amachaytam Estado ruwananpuni, chaymi Tribunal Constitucional hinalla llamkachkan Perú warmikunata amachanapaq. Kay 8 punchawniyuq marzo killam, yuyaymanananchik constitucional derechokunata  sapa punchaw amachaysinapaq.