WAKCHA LLAQTAKUNAPIM EDUCACIÓN LLIWMAN CHAYANANPUNI, NIRAMUN TRIBUNAL CONSTITUCIONAL

Karu llaqtakunapi warmakunapa, wayna sipaskunapa, yuyayniyuq runakunapawan educación derecho amachasqa kananpaqmi Tribunal Constitucional (TC) tantiarqamun cumplimiento sentenciata hinalla qatipachinankupaq, Elita hinallataq Marleni Cieza Fernández ñañakunapaq educación ama usuchisqa kananpaq.

Pleno huñunakuypim magistradokuna niramunku Ministerio Educación (Minedu) mana ñawparichinchu yanapakuq mañaqkunapa matriculanta primer grado secundariapaq I. E. 16957 Jesús Divino Maestro yachaywasipi, nitaq kunankama yachasqankutapas chaskinkuchu.

Chayna kaptinmi Educación ministeriota kamarachinku, notificasqa kasqanmantapacha 10 punchawpi willakunankupaq (Exp. N° 00853-2015-PA/TC) sentencia imayna puririchisqankumanta.

Riqsirachimullankutaqmi, sentencia imayna ruwachisqa kasqanmanta sapa suqta killa Minedu mana willakusqanmanta, chayna kaptinmi kamarachimunkuña sentencia mana ruwachiqkunata qatipanankupaq quchachachinankupaq.