VIUDO QARI PENSIONNIYUQ KANAN DERECHOTAM YUPAYCHARUNKU

Tribunal Constitucional (TC) uyarqun Lorenzo Vicente Zevallos Amparo (Exp. N° 03853-2021-PA/TC) mañakusqanta  Oficina de Normalización Previsional (ONP) wasipa contranpi, viudo kasqanpi pensionninta mana qusqanku rayku, chaskinanpaqmi huk requisito nisqakunata mañaykunku mana warmi viudapaq hinallatachu.

19990 D.L. Qillqapa 53 artículo qillqan nisqanman hinaqa, warmipa qusan utaq qaripa warmin wañurquptinqa, viudo qipaqkunam chaskinkuman asegurasqakunapa pensionninta, ichaqa tiyaqmasinmi chiqaqyachinan “invalido” kasqanta, suqta chunka watanman aypasqanta, pensionistapa yanapaqnin kasqanta chiqaqyachinan hinallataq wañusqanmanta huk wata ñawpaqninta kasarakusqanta.

Magistradokunam niramunku, pensión mañakuq qarim kasararukurqa 2011 watapa 22 punchaw febrero killapi, ichaqa huk wata asninraqmi tiyaq masinwan huñunakurqaku, wañunankamam iskay warmanku karurqa. Warminmi wañuyman chayarurqa 2011 watapa 23 punchaw marzo killapi, warmakunam qiparunku 16 hinallataq 9 watayuqkama. Chaymi allicharachimunku “inciso” a) hinallataq b) qillqakunata; 19990 DL. Qillqapa 53 artículo ukupi.

TC niramun, runakunapa derechon usuypi ama qipananpaqqa manam tantyakunmanchu 19990 yupaychasqa Decreto Ley kamachiypa 53 artículo qillqan nisqanman hinaqa, viudo qarikunapa achka requisito kasqan rayku, viuda warmikunapaqñataq pisilla requisito kasqan rayku.