USUCHIQ RUNAKUNAMANTA WARMIKUNATA AMACHANAPAQ TC TANTYARQAMUN

Tribunal Constitucionalmi sentenciata qispirqachimun usuchisqa warmikunata judicial yanapakuywan amachanapaq, denunciaq warmitam yanapanqaku   ficha nisqallawan, “maykama usuchisqa kasqanmanta chiqapyachisqa qillqallawan”. Denunciasqa runa mana rimarichkaptinpas warmitaqa amachanqakuñam.

Chullan makillam magistradukuna tantyarqamunku ñakariqkunata amachanapaq utqayllaman kamachiykunata qispichinankupaq, usuchiq qaripa makinmanta warmita ayqirichinapaq, usuchisqa warmiman ama asuykunanpaq, nitaq rimapayayllapas rimapayananpaq, huk utqayman kamachiykunapas kachkanmi.

María Luisa Paredes Tamba, ica suyupi violencia psicológica nisqawan ñakariq warmipaqmi kamarqachimunku judicial yanapakuyta chaywanña amachasqa kananpaq. Warmikuna, kawsayninkupi amaña usuchisqa kanankupaqmi sentenciata qispirqachinku. 

Kimsa chunka waranqa kimsa pachak suqta chunka tawayuq  Leypi ñawinchakusqanman hinallam allicharqunku, ayllukuna ukupi usuchisqa kaqkunata amachanapaq. Chunka suqtayuq artikulupim nichkan, ayllukuna amachaq juzgado yanapakuykunata kamahinanpaq, chayman hinallam allicharqamunku.

Sentenciapim ñawinchakuchkan, ima runatapas ama maqachkanapaq, sunqunta ama kirichkanapaq nitaq runapa qayllanpi pinqachichkanapaqpaschu, kay sentenciaqa aswanraqmi warmikunapa allinninpaq.