TRIBUNAL CONSTITUCIONAL HUÑURANAKUN MUSUQ AUDIENCIAPI

30 expedientekunatam votanallapaqña saqirunku Tribunal Constitucional qispichisqan kimsa kaq audienciapi, Augusto Ferrero Costa magistradopa umalliyninwan.

9:30 achikyay pacham qallarirurqa Amparo mañakuywan, 2018 watapi 1037 yupaychasqa expedientewanmi Votorantim Metais – Cajamarquilla S.A. empresa mañarukurqa Huñunasqa Ministrokuna Umallina wasipa contranpi, Osinergmin wasipa contranpi, Economía Finanzas ministeriopa contranpiwan.

Magistradokunam uyarirunku amachaq hinallataq tumpaq abogadokunapa rimarisqankuta, hina hawanmanmi tapupaykunku allin tantyaykunata qispichinankupaq. Tukuruptinkum votanallapaqña saqirunku 17 Amparo mañakuykunata, 13 hábeas corpus mañakuykunatawan; Procesokunatam aparachimunku Arequipa, Cañete, Cusco, Huánuco, La Libertad, Lambayeque, Lima, Loreto, Pasco, Santa hinallataq Sullana llaqtakunamanta.

Audienciapim huñuranakunku Augusto Ferrero Costa, José Luis Sardón de Taboada, Manuel Miranda Canales, Ernesto Blume Fortini, Marianella Ledesma Narváez hinallataq Eloy Espinosa-Saldaña Barrera magistradokuna.

Kay huñunakuymi internetnintakama ñawparirun, hinallataqmi qawarachimuniku Tribunal Constitucional televisionninta, YouTube, Facebook, Instagram nisqantakamawan.