TC PRESIDENTEM CONGRESOPI RIMARIRUN HAMUQ WATAPI PRESUPUESTOTA LLAMKACHINAPAQ

Tribunal Constitucional (TC) umalliq Francisco Morales Saravia presupuesto mañakuyninta Congreso wasipi  riqsirachin Presupuesto hinallataq Cuenta General de la República Comisiónpa qayllanpi, 2023 watapi 42,689,483  presupuestota Tribunalpi llamkachinapaq.

TC umalliqmi rimariyninpi  niramun eneromanta agostokama 2022 watapi 33 virtual pleno huñunakuykunata ruwarachinku, 14 Pleno huñunkuykunata kikintribunal wasipi, 20 virtual audienciakunata, 17 audienciakunata kikin tribunalpi hinaspapas internetnintakama. Hina hawanmanpas 3,697 expedientekunata qispirachinku, 3,623 expedientekunata digitalizarunku, 841 sentenciakunata sistematizarunku, 7,209 “auto” sutichasqakunatapas sistematizarullankutaq.

Morales nirullantaq, yuyaymanasqa llamkay aypanankunapim tarikuchkan constitucional qatipaykunata utqachinapaq, TCpi yachaykunata yachachinapaq, kay llamkana wasipi llamkaykunata suniyapachinapaq hinaspapas “riesgo de desastres” ruwaykunata paqarichinapaq.

Niramunmi, tribunalpa llamkayninkunata llaqta riqsinanpaqmi Willakuykuna kan castilla simipi, siñas simipi, quechua simipipas, virtual Willakuykuna, hinaspapas videokuna.

TC umalliqmi riqsirachimun, Centro de Estudios Constitucionales (CEC) 31 punchaw agosto killakama 2022 watapi 40 hatun yachaykunata ñawparirachimun 13,056 runakunapaq, 10 maytukunata hinallataq 08 investigaconkunata.