TC PLENO AUDIENCIAKUNATA QISPIRACHIN

Jueves 15 diciembre punchawmi audiencia qallarirun huk minuto upallaywan qipa punchawkuna Perú suyupi wañusqakunamanta. 13 constitucional mañakuykunatam votanapaq saqirunku, qatipaykunapim kachkan Fonaviman qullqi qupunapaq leykunapa contranpi hinaspapas rantipakuqkunata usuramanta amachanapaqwan.

Audienciam karurqa  San Isidro Tribunal wasipi, Arequipa avenidapa Y° 2720 wasipi, Ica abogadokunapa colegion inconstitucionalidad mañakusqanwanmi qallarirun (Exp. Y.º 00010-2021-PI/TC) hinallataq Poder Ejecutivopas (Exp. Y.º 00012-2021-PI/TC) mañarukullarqataq Congreso de la Republicapa Contranpi, Ley Y.° 31143 qispirachisqankurayku, financiero ruwaykunapi rantipakuqkunata usuramanta amachanapaq.

Hina qipallanmanmi qatiparullankutaq Poder Ejecutivopa inconstitucionalidad mañakusqanta Congreso de la Republicapa contranpi, Ley 31173 qispichisqanmanta Ley 29625 ruwachisqa kananpaqppuni, kay leywanmi kamachinku FONAVI qullqita llamkapakuqkunaman qupunapaq, aswanraq COVID-19 sasachakuykunapi kaqkunaman.

Iskay kaq audiencia punchawñataqmi, TC Pleno audienciata ruwarachin 16 diciembre punchaw, abogadokunapa willakuyninta uyariykuspankum magistradokuna votanapaq saqirunku 12 mañakuykunata, votanapaqmi qiparun inconstitucionalidad mañakuy 31520 leypa contranpi, kay leymi autonomía hinallataq institucionalidad atiykunata kaqlla qupuchkan Perú suyupi hatun yachay wasikunaman.

lTC Pleno ukupim huñunakuchkanku Francisco Morales Saravia (umalliq), Luz Pacheco Zerga (vicepresidenta), Gustavo Gutiérrez Ticse, Helder Domínguez Haro, Manuel Monteagudo Valdez hinallataq César Ochoa Cardich magistradokuna. Huñunakuypim mana karqachu magistrado Augusto Ferrero, licenciawan kasqanrayku.