TC magistradukunam llaqtayuqkunapa tapurisqankuta kutiykachinku.

“Puerta Abierta” sutiyuq llamkaypim magistradukunata llaqta tapuriykun, chaynapim willaykamunku pi kasqankuta, maytukunamanta, samasqanku punchawkunapi ima ruwasqankumanta, música munasqankumanta, munasqanku mikunamanta, hukkunamantawan.

24° watan raymichasqa semanapim, Perú huku suyukunamanta llaqtayuqkuna magistradukunata tapuykunku ima hatun runakunapi iñisqankumanta, imanasqa magistrado kayta munasqankumanta, aswanraq allin kawsaynin yuyarisqankumanta, huk tapuykunatawan.

Chaynallataqmi rimariykamunku Perú suyupa aswanraq munasqanku llaqtakunamanta, imanasqa munasqankumantawan. Hinallataq, mayqan yachachiqninku yuyarisqankuta, huk willakuykunamantawanmi kaypi qawaykuwaq: https://youtu.be/SPzEIyD0gAc

Tinkuykanakurqakum Marianella Ledesma Narváez, TC umalliq; Augusto Ferrero Costa, TC vicepresidente; Manuel Miranda Canales, Ernesto Blume Fortini, Carlos Ramos Núñez hinallataq José Luis Sardón de Taboada magistradukuna.

Chaynallataqmi Eloy Espinoza Saldaña Barrera magistradupas napayninta chayaykachirqa, paymi samachkan médico kamachisqanman hinalla.

Tribunal Constitucionalpi llamkapakuqkunapas vidiuntakamam llamkayninkumanta rimariykunku, llamkaqmasinkuwan imayna llamkasqankumantawan.