Perú uku suyupa wayrawasinkunawan rimanakuy hinallaraq kachkan

Puertas abiertas sutiwan kallpanchasqa llamkaykuna kasqanman hinallam, Tribunal Constitucionalpa umalliqnin Marianella Ledesma Narváez telefonontakama rimaykanakun Perú uku suyukunapa periodistankunawan.

Viernes 17 punchaw julio killam, Periodista Luis Lozada, Edición Radio Cutivalú sutiwan riqsisqa programapi rimariykurqa Piura llaqtayuqkuna uyariykunankupaq, rimariyninpim nirqa, Marianella Ledesma llamkayninpi “Tribunal Constitucionalman musuq uyata quykun” chaynapi llaqtayuqkunaman aswanraq asuykuspa.  Chayta uyarispanmi Marianella Ledesma kaynata kutiykachillantaq, Estadopaq llamkapakuqkunam kanchik, llaqtayuqkunapa allinninpaqmi llamkayku, paykunaraykum atiyniyuq kayku, nispa.

Llatapa willakuqninkunawan rimariykuspanmi TC umalliq nimullantaq, “puertas abiertas” llamkaykunawanmi Tribunal Constitucionalpa punkunta llaqtaman kicharichichkanku hinallataq llaqtawan tinkunakuchkanku, Lima llaqtapaq willakuqninkunallawanchuya huñuranakunqa, Perú uku suyukunapa willakuqnnkunapiwanmi. “Radio cutivalú wayra wasipi, chayhinallataq huk willakuqkunapiwan rimarisqakunaqa llaqtaman aswanraq asuykunapaqmi, chaymantapas runa simipi página web nisqapi llaqtawan tinkuykanakuchkayku”.

Chaymantapas rimariykullantaq Oraldo Reátegui periodistawan, La Voz de la Selva sutiwan riqsisqa wayrawasipaq, paymi tapuykurqa: Tribunal Constitucionalpa atiynin kanmanchu TC kamachisqan sentenciakuna mana uyakuqkunata sancionanankupaq.

Chay tapukuyta kutichispanmi, Marianella Ledesma kaynata riqsirqachimun: “ichapas mana uyakuqkunataqa Ministerio Público wasipa makinmanñam churanku, paykunaña qatipanankupaq imanasqacha TC kamachisqankunata mana  uyakuchkankuchu”, chayta yachanankupaq.