Pensionistakunapa derechuntam Estado sayachipunan

“Pensionistakunapa derechun mana amachaq estado nisqaqa allin kawsay tarinapaq derechutam usuchichkan”, chaynatam rimariykun Tribunal Constitucional wasipa umalliqnin Marianella Ledesma Narváez.

Kaynatam rimariykamun, Victor Hugo Montoya Chávez ONP wasipa umalliqninwan huñuykanakusqanpa qipallanman, rimanakuytam tuparqachinku ONP wasipa proceso nisqakunata utqachinanupaq. Rimanakuypim huñuykanakullarqataq Eloy Espinoza-Saldaña Barrera magistrado, paymi umallichkan Tribunal Constitucionalpa kamachisqan sentenciakuna ruwachisqapuni kananpaq.

Marianella Ledesma napaykun ONP wasipi uyakullasqankuta 150 denunciakunata contranpi churasqakunata qatipachikunankupaq, willakusqanman hinaqa 2014 watamanta kunankama 5,144 denunciakunata pensionistakuna ONP wasipa contranpi derechunkuta mañakuspanku.

TC umalliq rimarisqanman hinaqa pensionniyuq kanapaq derechuqa ruwachisqapunim kanan, sapa expediente nisqapa qipanpim kachkan mana taytayuq runakuna, mana qusayuq warmikuna, kirinchasqa runakuna hinallataq kirinchasqa llamkapakuqkunapas, paykuna sasa kawsaypi kasqankuraykum Estadopa amachanan kananku.