ONP WASIMANTA QULLQI KUTIYKACHIPUNAPAQ LEYPA CONTRANPIM TC CHASKIRUN DEMANDA INCONSTITUCIONALIDADTA

Tribunal Constitucional (TC) magistradokunam Pleno huñunakuypi chullan makilla chaskirunku inconstitucionalidad mañakuyta, Poder Ejecutivo mañarukurqa  31083 leypa contranpi, chay leymi kamachirqa Oficina de Normalización Previsional (ONP) wasipi qullqi churaqkunaman qullqinkuta kutiykachipunankupaq.

Demanda mañakuymantam rimariykunqa magistrado José Luis Sardón de Taboada.

Tribunal Constitucional demanda nisqamanta Congreso de la República wasiman riqsichinqa, riqsichisqanpa hawanmanmi 30 punchawta qunqa Congreomanta kutipakamunankupaq.

Pleno ukupim karurqaku Marianella Ledesma Narváez, Augusto Ferrero Costa, Manuel Miranda Canales, Carlos Ramos Núñez, José Luis Sardón de Taboada hinallataq Eloy Espinosa-Saldaña Barrera magistradokuna. Ernesto Blume Fortini magistradoñataqmi mana karqachu samasqan punchawkunapi kasqanrayku.