MAGISTRADUKUNAM INTIRNTLLANTA HATUN RIMANAKUYTA QISPIRQACHINKU, MANAM HAYKAQPAS KAYNAQA KARQACHU

Tribunal Constitucional (TC) wasipiqa manam haykaqpas kaynaqa karqachu, Marianella Ledesma Narváez magistradapa umalliyninwanmi virtual Hatun Rimanakuyta ñawparirqachinku, Covid 19 rayku emergencia punchawkuna kasqanpi.

Wasinkumanta pacham intirnitnintakama tinkurqanakunku Augusto Ferrero Costa (Vicepresidente), Manuel Miranda Canales, Ernesto Blume Fortini, Carlos Ramos Núñez, José Luis Sardón de Taboada hinallataq Eloy Espinosa-Saldaña Barrera magistradukunapas.

Qallariyllampim, magistradukuna rimarirqunku emergencia punchawkunapi imayna llamkanankumanta, coronavirus Perú suyupi mastarikusqanrayku kamachikuykuna qispimusqanpa hawallanman.

Hina qipallanmanmi wakin magistradukuna uyarirqunku José Luis Sardón de Taboada magistradupa rimariyninta, Impuesto General a las ventas hinallataq impuesto selectivo sutichasqa Liymantam rimarirqun; waranqa tawa pachak chunka isqunniyuq yupaychasqa Decreto Legislativo kamachiywan allichayta munaptinkum, inconstitucionalmi nispa 7,554 llaqta runakuna mañakurqaku. Magistradukunam,tawa vutukunawan arí nirqunku, kimsañataq cuntrapi vutarqun. Ichaqa pichqa vutuman mana aypaptinmi, kay liyqa hina kaqlla qipanqa, Constitucionpa nisqanman hinalla.

Hina qipanmanñataqmi rimarirqunku, waranqa kimsa pachak chunka tawayuq yupaychasqa Decreto Legislativo nisqapaq denunciamanta. Kay Decreto Legislativo kamachikuywanmi Sunat wasita kamachirqaku, imprisapaq mana kuntratasqa kaq runakunalla chaninchasqa risiwukunata llamkasqankumanta qunankupaq. Chaynallataqmi rimarirqunku, Callao Municipalidad Provincial denuncia churasqanmanta, Lima-Callao ñankunata umanchaq Autoridadpa kuntranpi.

Kay iskaynin qipa kaq rimanakuykunapaqmi, suqta magistradukuna vutarqunku, hinakaqllam qipanqa nispanku. Denunciawan mañakusqanku mana allin huntapachisqa kasqan rayku, chullallataqmi cuntrapi vutarqun. Kay rimanakuykunatam ñawparirqachirqa José Luis Sardón magistradu.

Lima llaqtapi, 07 punchaw abril killa, 2020 wata