“JOSÉ FAUSTINO SÁNCHEZ CARRIÓN” MEDALLATAM TC QUYKUN LUIS LÓPEZ GUERRA ESPAÑOL JURISTAMAN

Tribunal Constitucionalpa sutinpim umalliq Francisco Morales,  “José Faustino Sánchez Carrión” Honor medallata  quykun Luis María López Guerra  España juristaman, 40 wata asninraqmi llamkapakun constitucional amachaykunamanta yachachispa, hinaspapas derechokunata riqsichispa.

Audiencia ruwana wasi ukupim kay hatun riqsikuyta chayaykachin  Ecuador Corte Constitucionalpa hinallataq Hernán Salgado Pesantes Corte Interamericana de Derechos Humanospa ñawpaq directorninpa qayllanpi, TC Pleno huñunakuqkunapa, llamkapakuqkunapa qayllanpiwan.

José Faustino Sánchez Carrión medallam, aswanraq hatu hatun riqsikuy Tribunal Constitucionalpi, Centro de Estudios Constitucionales yachay wasim kay ruwaykunata ñawparirachin, López Guerra juristam magistral rimariyninpi  riqsirachimun Derechos Humanospa Protección Multinivel ruwaykunamanta.

TC presidentem riqsiykachimun, ñawpaq pachapi kay medallata qusqankumanta Mario Vargas Llosa novelistaman, jurídico llamkaykunapim huk llamkaqkunawanpas tinkunakunku, jurídico rimanakuykunawan hinaspapas hermandad iberoamericanawan.

López Guerrañataqmi niykamun, Literaturapi Vargas Llosaman riqsipachinankutaqa manam suyarqachu, ichaqa ancha kuyakuywanmi chaskiykun jurídico suyu masinpi hatun Riqsikuyta chayaykachisqankumanta.

CEC yachay wasipa directornin magistrado Helder Domínguez rimarisqanman hinaqa  López Guerra juristapa yachayninkunaqa qallarirurqa jurisdiccional asesor hina España TC, hina qipanmanñataq magistrado hina España Tribunalpi.