ISKAY KAQ AUDIENCIAPI 40 QATIPAYKUNATA VOTANAPAQ SAQIRUN

Abogadokunapa rimarisqanta uyariykuspankum, Tribunal Constitucional (TC) magistradokuna iskay kaq audiencia huñunakuyta internetnintakama ñawparirachinku, chaypim votanallapaqña saqirunku 40 constitucional qatipaykunata.

9:30 achikyay pacham qallarirurqa Amparo mañakuywan (Exp. N° 02203-2016-PA/TC) AJEPER S.A. mañarukurqa Superintentencia Nacional de Aduanas y de Administración Tributaria (SUNAT) wasipa contranpi hinallataq Economía Finanzas ministeriopa contranpiwan. Chayhinallataqmi  votanallapaqña saqirunku Corporación Lindley S.A. Amparo mañakusqanta (Exp. N° 03134-2019-PA/TC) SUNAT wasipa contranpi, Tribunal Fiscal contranpiwan.

Huñunasqa magistradokunam 32 hábeas corpus mañakuykunata votanallapaqña saqirunku, qanchis amparo mañakuykunata hinallataq huk proceso cumplimiento mañakuyta; Áncash, Arequipa, Ayacucho, Callao, Cusco, Huaura, Junín, Lima, Piura, Puno hinallataq Tacna llaqtakunamanta apachisqakunata.

Internetnintakama ruwachisqa audienciapin tinkuranakurqaku TC umalliq Marianella Ledesma Narváez hinaspapas Manuel Miranda Canales, Ernesto Blume Fortini, Carlos Ramos Núñez, José Luis Sardón de Taboada hinallataq Eloy Espinosa-Saldaña Barrera magistradokuna. Vicepresidente Augusto Ferrero Costa mana tinkunakurqachu samanan punchawkunapi kasqanrayku. Audienciatam qawarachimunku internetnintakama.