INCONSTITUCIONALMI NISPA TC NIRUN ONP WASIMANTA QULLQI KUTIYKACHIPUNPAQ LEYTA

Tribunal Constitucional (TC) Pleno huñunakuyninpim inconstitucionalmi nispa nirunku 31083 leyta, Constitución kamachisqanmanhina mana qispisqa kaptin, chay leymi Oficina de Normalización Previsional (ONP) wasipi qullqi kutiykachipunanpaq kamachirqa.

Tantiay qispichinankukamam, Tribunal mana tarirqachu chay leyta Legislativo mana allin puririchisqantaqa, ichaqa mana allinkunatam tarirqunku leywan ruwachinakunapi, ONP wasipi qullqi kutiykachipunapaq mana kasqanta tarirunku, Poder Ejecutivo qullqi llamkachinanta hinaspapas congresistakunaman qullqi mana yapayta chayhinallataq llaqtapa qullqinta usuchiyman ama wichichinatawan.

Hinallataqmi niramunku, ñawpaq Ley qispichisqa kasqanmanta kutipakuyqa manaña kanmanchu, chaymi Tribunal niramun, chay leywan qullqi kutiykachipusqan pensionistakunaqa manañam qullqitaqa Estadoman qupunmankuñachu, Ley kawsachkaptinraq kikin Poder Ejecutivo qupunapaq kamarachisqanrayku.