ELECTRICIDADNIYUQ KANAPAQMI QISPIRACHINKU “DERECHO SOCIAL NO ENUMERADO” KAMACHIYTA

Tribunal Constitucional (TC) qispirqachimun “derecho social no enumerado” nisqata, runakuna electricidadniyuq kanankupaq derechota aypanankupaq, manam yakuyuq kanapaq derechollachu kananqa (Constitucionpa 7-A articulunpi nisqanman hina) electricidadniyuqpas kanankupunim.

Y° 2151-2018-PA/TC expedientepa sentencianpim nichkan “kunan pacha runakunaqa derechokunatam aypanankupuni allin kawsayniyuq kanankupaq”. Potable yakuyuq – desagüe nisqapas kananpunim, chayhinallataq electricidadniyuq, internetniyuq kanankupaq derechotapas aypanankupunim.

TC nichkan, electtricidadniyuq kanapaq derecho Constitución politicapi mana qillqasqa kachkaptinpas, mana yupaychasqa derecho hinaqa kanmanpunim, kikin Constitución politicapa kimsa kaq articulunpi nisqanman hina runakunapa allin kawsayninta aypaysinapaq, Estado social hinallataq democrático de derecho ukupi kawsasqanchik rayku.

Chayna kachkaptinpas, qatuchaq magistradokunam kamachiyninmanta yuyarichmuchkanku, electtricidadta aypanapaqqa allintam qatipana pachamama ama usuchisqa kananpaq, elecricidad aysaq cablekuna suni churasqa kananpaq hinaspapas Perú suyupi electricidadta maykama mirarichisqankuta.

Kaynanpapim, electricidadta aypanapaqqa “requisito legal racional” nisqakunata huñuna, ichaqa manapunim qipamanqa churachkanachu wakcha llaqtakuna electricidad mañakusqankutaqa, utqaymanmi chayachina.