DESCENTRALIZADO AUDIENCIATAM AREQUIPA LLAQTAPI QISPIRACHINKU

Tribunal Constitucional (TC) qallariqnin kaq audiencita qispirachin Arequipa llaqtapi, 19 constitucional mañakuykunatam votanallapaqña saqirun.

09:30 achikyay pacham qallarirurqa Francisco Morales Saravia vicepresidentepa umalliyninwan. TC umalliq Augusto Ferrero Costa huñunakuypi mana karqachu sasachakuykuna karusqan rayku, ichaqa qatipaykunata tantyasqankuman hinam sayapakullanqa.

Huñunakuymi qallarirun tumpaq abogadopa rimariyninwan, N° 02012-2021-PHC/TC qatipaspanku, kay expedientewanmi José Ponce Quispe tumpachkan Sachaca municipalidadpa alcaldenta, Arequipa llaqtapi.

Pleno ukupi huñunakuqkunam qatiparqunku 11 habeas corpus mañakuykunata hinallataq 08 Amparo mañakuykunata, Arequipa, Cusco, Madre de Dios, Moquegua, Puno hinallataq Tacna llaqtakunamanta apachimusqankuta. Abogadokunam rimariykunku kikin Pleno ukupi hinallataq internetnintakama.

Audienciapim karurqaku Francisco Morales Saravia, Gustavo Gutiérrez Ticse, Helder Domínguez Haro, Luz Pacheco Zerga, Manuel Monteagudo Valdez hinallataq César Ochoa Cardich magistradokuna.

Chay hinallataqmi qaway munaqkunapas qatiykunku Tribunal Constitucional televisionninta hinaspapas internet likanta.