DEFENSA MINISTERIOTAM KAMARACHIMUNKU PAGAPUNANKUPAQPUNI ALTO CENEPAPI LLALLINAKUQMAN

Tribunal Constitucional (TC) magistradokunam Defensa ministeriota kamarachin “indemnización” hinallataq “bonificación” nisqakunata killan killa pagapunankupaqpuni  Josué Rojas Jaramillo runaman, Ecuador hawa suyuwan awqanakuy kachkaptin suldaw hina llallinakusqanmanta Perú suyupa sutinpi, kay kamachiykunam karun 26511 Leypa iskay kaq articulunpi qillqaqa kasqanman hina, devengado nisqakunatawanmi pagapunanku, ley kamachisqanman hina intereskunata hinallataq denuncia qspichisqanpi gastasqantawan.

Kay kamachiykunatam uyarunku Amparo kasqanman hina (Exp.N°00517-2022-PA/TC), “Asociación de Inválidos, Discapacitados, Viudas hinallataq Derechohabientes” asociacionpi huñunakuqkuna, Fuerzas Armadaspa hinallataq Policía Nacionalpa, ñawpaq 25 watakunamanta pacham Defensa Ministerio mana pagapunchu, mínimo vital paguta takyarachisqanmantapacha 1997 watapi, kaytam ruwarunku huk kamachiykuna kachkaptinpas S/. 1025.00 paganapaq.

Civil, militar hinallataq policial runakunapaq 26511 Ley kamachiswanman hinaqa, 1995 watapi Ecuador suyuwan awqanakuy kachkaptin Alto Cenepaman riqkunam, ichapas suchu qiparuptinkuqa, utaq wañuyman chayaruptinkupas derechoyuqmi kanku indemnización excepcionalta chaskinankupaq, 01 UIT (S/. 4,600) qullqimanta anayman, hinaspapas killan killan bonificacionta, remuneración sueldo vital (RSV) nisqamanta hanayman. Kay bonificaciontam qunankupuni Leywan amachasqa kaqkunaman.

“Kay kamachiyta mana ruwachiqkunam Constitucional yuyaymanaykunata usuchinku, Ley kamachiykunaqa ruwachisqapunim kanan, mínimo vital pensionta chaskinanku runakunapa dignidad nisqata ama usuchinankupaq”, chaynatam sentenciapi ñawinchakuchkan.

Sentenciapim nimullachkantaq, Fuerzas Armadas, Policía Nacional hinallataq civilkuna, Ecuador suyuwan awqanakuy kachkaptin llallinakuqkunam, wañuqkunapa ayllunkunapas riqsisqapuni kananku, chaynatam kamachimuchkan 26511 Ley reglamentonpiwan, sutin riqsisqakunamanmi qullqipi pagapunanku wañunankukama utaq unqunankukama Perú suyuta amachasqanku rayku.