“CONSTITUCIONIYMANTAM WASILLAYPI YACHANI” QALLARINQAPUNITAQ ESTADO NISQAMANTA YACHAPANAPAQ

Estado hinallataq Constitución nisqakunamantam kunan pacha yachaykuna kanqa “Constitucionniymantam Wasillaypi Yachani” programapi, warmakuna hatun yachayniyuq kananta maskaspanmi Tribunal Constitucional kay llamkayta kallpanchachkan.

Marrianella Ledesma Tribunal Constitucional umalliq rimarisqanmanhinaqa, warmallamantaraqmi runakunata yachachina Perú suyu kuyayta hinallataq derecho nisqamantapas. 

Kunan pachapaqmi 13 widiukunapi Estado hinallataq Constitución nisqakunamanta yachaykuna paqarimunqa, castilla simipim qallarinqa 24 punchaw julo killa, sapa miércoles hinallataq viernes 11 achikyay pahata. Quechua simipiñataqmi paqarinqa 28 punchaw julio killa, sapa martes hinallataq jueves punchawkuna, 11 achikyay pachata.

Kunan kutipaqmi kay yachaykuna paqarimunqa: Perú suyuqa huk República nisqam, Perú gobierno, Esatdupa atiyninkuna, Estado nisqapi  llamkapakuqkuna, Estado ruwananmantapuni, llaqta simi dioma oficial nisqamanta, Perú suyupi hatuchaq llaqta, Patria nisqapa maskapaychan, akllanapaq akllachikunapaqwan derecho, voto nisqapaq derecho, huk yachaykunamantawan.