AMPARO MAÑAKUYTA MANA PURIRICHINQAKUCHU PLAZO KASQANMAN HINA MANA MAÑAKUPTINKU

Plazo qusqanku punchawkuna tukurqunankama Amparo mañakuyta mana chayachiptinkum Tribunal Constitucional (TC) tantiaramun amparota manaña qunankupaq, Los Portales S.A. empresam amparota mañarukurqa San Isidro Municipalidadpa contranpi, arbitrio nisqata amaña cobrachinankupaq carro sayachisqankumanta.

Sentenciapi ñawinchakusqanman hinaqa, manañam puririnmanñachu demanda churanankupaq plazo tukurqusqanrayku, chaynatam kamachimun Código Procesal Constitucional, 5 yupayniyuq artikulunpa 10 kaq inciso nisqapi.

Los Portales S.A. empresam Amparota mañarukurqa  02644-2016-PA/TC yupaychasqa expedientewan , San Isidro municipalidad 214-MSI, 244-MSI hinallataq 276-MSI ordenanzankunata qulluchinanpaq,  2008, 2009 hinallataq 2010 watakunapi arbitriokunata qatipaspa resolucionkunata qulluchinankupaq, empresa amaña pagananpaq 642.640.83 soles qullqita, carro sayachisqanmanta Camino Real rantipakuna wasinpa kimsa kaq altunpi.

Kay mañakuyta amaña puririchinapaqmi votarurqaku kamachiq Marianella Ledesma, Manuel Miranda hinallataq Eloy Espinosa-Saldaña magistradokuna. Hinalla puririchinapaqñataqmi votarurqaku Augusto Ferrero, Ernesto Blume hinallataq Carlos Ramos magistradokuna. Iskay iskay voto karuptinmi, TC kamachiq dirimente sutichasqa votota ñawparirachin. José Luis Sardón magistradoñataqmi, ari nitaq mana ninpaschu.