TRIBUNAL CONSTITUCIONAL AUDIENCIATA RUWARUN AREQUIPA LLAQTAPI

Tribunal Constitucional (TC) Arequipa llaqtapi iskay kaq audienciata ruwarachin, 22 constitucional mañakuykunatam votanallapaqña saqiratamunku, votanakunapim kachkan incostitucionalidad mañakuy (Exp. Y° 00030-2021-PI/TC) 2021 watapim 30 yupaychasqa expedientewan Poder Judicial mañarukurqa Ley Y° 31307 musuq Código Procesal Constitucional leypa contranpi, achka articulonkunata allinchachinapaq.

Chay hinallataqmi, Poder Ejecutivo inconstitucionalidad mañakusqanta votanapaq saqirunku (Exp. Y° 00027-2021-PI/TC) 2021 watapim Ejecutivo mañarukurqa Y° 31125 Ley allichachisqa kananpaq, kay leywanmi emergenciapi declarasqa kachkan Sistema Nacional de Salud.

Audienciam qallarirurqa 10:15 a.p. Hábeas Corpus qatipaywan (Exp. 03805-2021-HC/TC), kaytam mañakuchkan Elías Vila Vilca Corte Suprema wasipa Primera Sala Penal Transitoria wasin ukupa contranpi. Kay Constitucional mañakuytam telefonontakama qispirqachinku, Juliaca carcelmantapacha qayakuywan.

Abogadokunapa willakuyninkunatam magistradokuna uyariykunku kikin Tribunal wasipi, wakintañataq internetnintakama. Votanapaqmi saqirunku 02 incostitucionalidad mañakuykunata, 06 Amparo mañakuykunata hinallataq 14 hábeas corpus mañakuykunata; Arequipa, Cusco, Lima, Madre de Dios, Moquegua, Puno hinallataq Tacna llaqtakunamantam aparachimunku.

Willakuykunatam kikin tribunalpi uyariykunku umalliq Augusto Ferrero Costa, Francisco Morales Saravia, Gustavo Gutiérrez Ticse, Luz Pacheco Zerga, hinallataq César Ochoa Cardich magistradokuna; Helder Domínguez Haro magistradom internetnintakama tinkuykanakamun, Manuel Monteagudo magistradoñataqmi audienciapi mana huñuykanakurqachu, ichaqa tantyaykuna qispichisqankumanmi sayapakunqa.