TC KAMACHIN CLINICATA, SÍNDROME DE ASPERGER NISQAWAN ÑAKARIQ RUNATA KACHARINANKUPAQ, MANAS PAY YACHAKUSQACHU KAYPY WICHAQANANKUTAQA

Tribunal Constitucional (TC) wasi Pleno ukuntakama sentencia nisqata qispiykachisqa kaypim Clínica Pinel SRL nisqata kamaykachichkan Álvaro Martín Linares Cano (26) runata kacharinankupaq, kay runas ñakarin síndrome de Asperger nisqawan hinaptinsi internasqa karisqa marzo killapi 2018 watapi, kaymansi aparqusqa taytan Walter Ricardo Linares Arenaza (hatipasqamasin), chay pachapi mana pipas yanapaqnin kaptin, kaypa sutinmi régimen de interdicción nisqanchik.

Kay 789/2021 yupaypim, wichiykamun kay expediente N.° 01004-2021-PHC/TC, TC wasipi María Rocío Cano Guerinoni, habeas corpus hatipay churasqantam qispiykachisqa paymi Alvaropa maman, kay hatipaytam churaykusqa clinicapa sayaqninkunapa kuntrampi, paykunam Luis Otoya Camino hinallataq Walter Linares, ñakariq runapa akllanan derechunta sarunchasqanku rayku.

Chaynallataq kamaykachisqa juez kay hatipay apaq riqsichinapaq yanapay karisqanmanta chaynata munaptinqa, chaynallataqsi kallanmantaq tratamiento médico ambulatorio nisqanchik.