TC PLENO HUÑUNAKUYPI AUDIENCIATA RUWANQA ONP QULLQI URQUCHINAMANTA 03 FEBRERO KILLA

03 punchawniyuq febrero killam Tribunal Constitucional (TC) Pleno huñnakuypi tantiamunqa tawa inconstitucionalidad mañakuykunamanta, Poder Ejecutivo mañakusqankunata 31083 yupaychasqa leypa contranpi, chay leywanmi kamachinku Oficina de Normalización Previsional (ONP) wasi pensionasqakunaman qullqi qupunapaq.

TC umalliq Marianella Ledesma niramun kay miércoles quyllurchaw punchaw 9:30 achikyay pacha audiencia qallarinanpaq, chaypim Ejecutivo hinallataq Legislativo wasikunapa abogadonkunapa rimasqanta uyarinqaku. Kay inconstitucionalidad mañakuymantam riqsichinqa magistrado José Luis Sardón de Taboada.

Hina qipallantam, magistradokuna uyarinqaku kimsa inconstitucionalidad mañakuykunatawan.