TC KAMARACHIN PETROPERÚ WASITA PETRÓLEO USUCHISQAN LLAQTAKUNATA CHANINCHAPUNANPAQ

Qali kawsayta hinallataq pachamama amachanapaqmi, Tribunal Constitucional  uyarqun Demanda Cumplimiento nisqata tawa nativo llaqtakunapa allinninpaq Urarinas distritupi, Loreto suyupi, llaqtayuqkunam sasachakuypi karurqaku Oleoducto Norperuano petróleo aysasqanpi usurachitamusqan rayku, chaymi TC kamarachin Petroperú wasita llaqtakunaman chaninchapunanpaq.

2014 watapi petróleo sutusqanmi qanracharun Cuninico wayquta, Marañon mayumanta lluqsimuqta, hinaspanmi tarpuykunata uywakunatawan ñakarirachirqa Cuninico, San Francisco, Nueva Esperanza hinallataq Santa Rosa nativo llaqtakunapi.

Chayhina kaptinmi, TC tawa llaqtakunaman sayaparukurqa hinaspa qispirachimun 081-2007-MINEM yupayniyuq Decreto Supremo kamachiyta, chaypim nimuchkanku tawa llaqtakunaman Petroperú sayachipunanpaq hidrocarburo nisqa usuchisqanmanta.

Norma kamachiypim nillachkantaq, ñakariq llaqtayuqkunata Petroperú maskananpaq, sutusqan punchawmanta 15 punchaw qipanmakama ñakarichisqakunata.