TRIBUNAL CONSTITUCIONALPA CHUYA LLAMKAYNINMI MUSUQ PACHAPI LLAQTAWAN TINKUNAKUNANPAQ

Tribunal Constitucionalpa umalliqnin Marianella Ledesma Narváez  rimariykun Huancayo wayra wasipa willakuqninkunawan, Cesar Muedas hinallataq Mayela Huamán periodistakunawan, chaypim riqsirachimun Tribunalpi kallpanchasqan llamkaykunamanta: Llaqtawan tinkunakuy, chiqapchasqa llamkaymanta hinallataq tecnología nisqawan kuskanchasqalla ñawparichisqankumanta.

Rimarisqanmanhinaqa, Tribunal Constitucionalta umallisqanmantapacham, llaqtawan tinkunachiytapuni maskarqa, chayraykum Perú uku suyukunapa willakuqninkunawan rimarirqa.

Chayhinallataqmi niramun, llaqtapa riqsinanpaqmi Tribunal internetnintakama qawarachimurqa aswanraq hatun kaq qatipaykunata, Congreso wichqachisqankumanta, constitucionalchu karqa icha manachu. “Lliw llaqtapa qatisqanmi uyarirurqaku sapa magistradokunapa votonkuta”, chayhinallataqmi karurqa toro hinallataq gallo pukllachiymanta qatipaykunapas, hinallataq peaje qatipaykunamantawan.

Musuq pachapi llamkaykunamantañataqmi nirun, emergencia punchawkuna kachkaptinpas Tribunal Constitucionalqa manam llamkaynintaqa sayachinchu, expedientekunatam hinalla internetman churaykunku hinaspapas Google Meet sutiyuq internet likantakama audienciakunata, pleno nisqatapas qispichimuraku, llamkapakuqkunapas internetnintakama llamkaykunku.