PUSAQ KAQ AUDIENCIAPI 20 HÁBEAS CORPUS MAÑAKUYTA TC VOTANALLAPAQÑA SAQIRUN

Achka llaqtakunamanta chayaykamuq hábeas corpus mañakuykunatam Tribunal Constitucional votanallapaqña saqirun, internetnintakama ruwasqa pusaq kaq audiencia pública nisqapi.

9:30 achikyay pachatam qallarirurqa huk hábeas corpus mañakuywan (Exp. N° 03599-2017-HC/TC) Roberto Torres Álvarez demanda nisqata churarurqa Segunda Sala Penal con Reos en Cárcel wasi ukupa contranpi, chayqa kachkan Callao Corte Superiorpim; chayhinallataqmi demanda aypachkan Corte Superior Supremapa Sala Penal Permanente wasin ukuman.

Allinta qatipaykunankupaqmi, rimariykusqankupa qipallanman magistradokuna abogadokunatapunitaq tapupaykunku, denunciaqkunapata denunciachikuqkunatapas.

20 hábeas corpus mañakuykunatam achka llaqtakunamanta chayarachimunku:  huk Amazonas suyumanta, huk Ancashmanta, huk Apurímacmanta, Arequipamantapas huk, iskay Callao llaqtamanta, Huaura llqtamantapas huk, iskay Huánuco suyumanta, huk Icamanta, Junín suyumantapas huk, kimsa La Libertadmanta, suqtañataq Lima llaqtamanta.

Pusaq kaq audienciatam internetninta rikurachimurqaku.