Juezkunapa punchawninpi TC umalliqman hatun riqsikuyta chayaykachinku

Kuezkunapa punchawninpim, Puente Piedra – Ventanilla Corte Superior Justicia wasipa presidenten Christian Hernández Alarcón hatun riqsikuyta chayaykachin Tribunal Constitucionalpa umalliqninman Marianella Ledesma Narváez magistradaman, juezahina unay watakunaña llamkasqanrayku hinallataq llamkapakuqninkunata allin yachaykunawan amahasqanrayku.

Ledesma magistradam jueza hinallachu llamkan, investigación académica nisqakunatapas ruwaq chayhinallataq hatun yachaywasipipas yachachillarqataq. Perú suyupiqa manam qaykaqpas huk warmiqa Tribunal Constitucionaltaqa umallirqachu, chayllaraqmi pay umallichkan.

Añaychaykukusqanmpim Marianella Ledesma rimariykullantaq, sapa juezqa allin runam kanan, jurídico yachayniyuqkuna, sunqunwan mana atipachikusqallan, llamkapakuqniunata hinallataq abogado masinkunatapas ama usuchispalla, chayhinallataq kamachiyninpas, kawsayninpas chiqaplla kanan.

Internentnintakamam huñuykanakurqaku, chayllapitaqmi minkaykukurqapas  Puente Piedra – Ventanilla llaqtapa Corte Superior wasipi juez Jorge Luis Pajuelo Cabanillas, hinallataq Corte Suprema de la República wasipa capellannin monseñor Ángel Ortega Trinidad.