«Ciudadanos del Futuro» sutiyuq llallinakuytam Tribunal Constitucional ruwarachin.

24° watan raymichasqan semanapim Tribunal Constitucional, qari-warmi warmakunapaq, ñawparirachin «Ciudadanos del Futuro» sutichasqa llallinakuyta.

Llallinakuqkunam ayllunkuwan kuska watuchikunata, tapukuykunata ima kutiykachinku, chaynapim TC wasipa llamkayninmanta aswanraq riqsipaykunku, «Constitución nisqamantam Wasillapi Yachani» programamantawan.

Ayacucho, Cajamarca, Chiclayo hinallataq Lima llaqtakunamantam internet nisqanta tinkuykanakunku llallinakunankupaq, sutinkutapas kikillankum qillqaykunku.

«Qam hinam presidenta kayta munani», chaynatam rimarirun Sofía Miranda Ramos, suqta watallanpiraq limamanta warma, Tribunal Constitucional presidentapa qayllanpi.

Marianella Ledesma Tribunal Constitucional presidentam lliw llallinakuqkunata napaykun, hamuq punchawkunapi hatun yachayniyuq runakuna kayninta kallpanchaykuspa, Perú suyupa Constitucionninta yachapasqankumanhina.

Kay tinkunakuytam Manuel Miranda Canales magistradupas yanapaykullarqataq.