SENTENCIATA PAQARICHINKU QUNTALLAÑA CARCEL WASIKUNAPI KAQ RUNAKUNATA YANAPANAPAQ 

Estado de Cosas Inconstitucional nispanmi Tribunal Constitucional sentenciata paqarirachin, quntapasqa kaq carcelkunapi wichqasqa runakunapa ima sasachakuyninkunatapas umalliqkuna allichachinankupaq. 

Kayta yuyariykusun, 05436-2014-PHC/TC yupaychasqa expediente nisqawanmi, Tribunal kamarqachimurqa 2025 watakama carcel wasikunapi runakuna hinalla ñitiñiti kaptinkuqa, suqta carcel wasikunatam wichqachinqaku: Chanchamayopim sapa 100 runakunalla wichqasqa kanankumanta, aswanraq 553 kachkanku; Jaén llaqtapipas niraqllam, 100 kanankumantam 522 runakuna huntaparqunku; Abancay llaqtapiñataq 100 kanankumanta, 398 kachkanku; chayanallataqmi Miguel Castro Castro, Lima carcelpipas, pachakllamanta 375 yaparukun, chaymi 2025 watapaq aswanraq huntapasqa kaq carcel wasikunata allichachinanku, manachayqa wichqarachinqakum.

Tacna carcel ukupi wichqasqa runam kay yanapakuyta mañarqukuqa hábeas corpus nisqawan, chaynapim Tribunal Constitucional Poder Judicialta qayarichkan, atiynin kasqanman hina, wichqasqa runakunapa sasachakuyninkunata qatipaspa derechukunata amachaykaysinanpaq. 

Tribunal Constitucional kamachisqantam, Argentina hawa suyupa Corte Suprema Justicia wasipas, allinmi nirqun, Internetninta paqariq ñawinchanapaq boletin nisqapi.