TC SENTENCIAKUNATA YUPACHINQA

16 watamantantañam, Tribunal Constitucional, sapa wata, sentenciakunata yupachinqa, Código Procesal Civil (CPC), kamachisqanman hinalla, chaytam riqsriqachimun Marianella Ledesma Tribunal Contitcucional umalliq.

Qallarinapaqmi iskay waranqa chunka suqtayuq watapiraq chaskisqanku sentenciata yupachinqaku, pichqawaranqa pichqa pachak tawa chunka pichqayuq yupayniyuqwanmi chaskirqurqakuqa, kunan pachapaqñataqmi kanqa pachak isqun chunka hukniyuq yupaywanña, iskay waranqa iskay chunkayuq tupaq wataman.

Chayna yupasqaña kaptinmi, justicia ruwaypi llamkaqkuna, yachay munaqkunapas utqayllaman tariykunqaku, Tribunal Constitucionalpa llamkayninpas aswanraq chiqaqyachisqa kanqa. Chayhinata llamkanankupaqmi riglamintuta allicharqachinku, Código Procesal Constitucional nisqapa pachak chunka pusaqniyuq artikulunpi tinkunasqa kasqanman hinalla.

Código Procesal Constitucionalmi paqarirqurqa 28237 yupaychasqa Ley kamachisqanman hinalla, hinaspam El Peruano ñawinchana willakuykunapi riqsirqachimurqaku 2004 watapa mayo killanpi.