TC SENTENCIA NISQAKUNATA QATIPACHINKU

Tribunal Constitucionalpa kamachisqan sentenciakuna ¿ruwachisqachu kachkanku icha manachu?. Manam haykaqllapas qatipachirqakuchu, ichaqa kunan pachamantam qatipachinqakuña. Qallarinapaqmi qatipachinqaku María Antonia Díaz Cáceres, quechua simillapi rimaqpa mañakusqanta; paytam, Carhuaz Provincial Municipalidad llaqta simipi rimanan derechuta saruncharurqa, mama siminpi willakuykunata mana chayachisqanwan.

Chayhina kaptinmi Tribunal Constitucional kamarqachirqa, Antonia Diaz Cáceres yuyaqman Carhuaz Provincial Municipalidadmantapacha quechua simillapi willakuykunata chayachinankupaq.

Hinallataqmi, “Estado de Cosas Inconstitucional”, nispa nirqamunku, Perú suyupi Estadopaq llamkapakuqkuna, llamkapakusqanku llaqtakunapi mama siminkupi llaqtayuqkunata mana yanapasqankurayku.

Kay qatipaykuanwanmi Tribunal Constitucional qawanqa, umalliqkuna sentenciakunata uyakuchkankuchu icha manachu. Sentenciapi kamachisqankuman hinaqa, Ancash suyupa Carhuaz provincianpim qalaycha empresakuna runasimillapiña llaqtayuqkunata yanapananku karqa, chaypaqmi umalliqkunaman magistradukuna iskay watata qurqaku. Kay tukuq mayo killallapim iskay watamanña huntaparqun.